A Survey Question, Voting Starts Now

"Hukayin o Ibaon"- digg.com

April 17, 2008 (CNN) — A blogger was found dead in an abandoned area in Diliman, QC yesterday afternoon. Crime scene investigators said that the cause of death was by impalement and decapitation. The police were able to identify the recovered body (with its laptop and other belongings) as Eric H. Kamote, 18 years old. He was a college student and maintains a not-so-famous-purple blog that deals with random entries ranging from comical & mundane topics to sensical & spiritual issues. While it was a clear case of brutal murder, one police inspector commented that it was quite odd to see a dismembered corpse burned at the stake, instead of wearing a horrified face, it was very peaceful and seems smiling back at you. Its dead body was literally deep fried and coated with caramelized brown sugar with a happy face. The culprit is still unknown.

April 17, 2008 (WWW) — Nagimbal ang buong blogosperyo, madlang-pilipino, pati uniberso sa biglaang pagkamatay/pagkawala ng isang tinitingalang blogista. Nagulantang ang sambayanan sa masaklap na balitang namayapa na si Holy Kamote (HK). Kasalukuyan pa ring umiikot ang bulung-bulungan ng mga tsismoso, tsismosa, adik-fans, kaibigan, at kaaway kung gaano nga ba katotoo ang nasabing balita. Sa mahigit tatlong buwang pamamayagpag ni HOLY KAMOTE {ang blog na may attitude} at sa mahigit tatlong buwan ding nakalipas mula ng ilathala nito ang kanyang di-umano'y pamamaalam, ngayon ay may kapansin-pansing pagbabago sa trip ng blogistang ito. (tignan ang sidebar poll question sa mga medyo slow-moving pa ang kanilang kukote sa mga oras na ito.)

Anakngpusa! Anong kalokohan na naman ba ito?

At maliban na lamang kung paiiralin mo ang pagka-dyslectic mo, ngayon pa lamang ay alam mo na dapat ang gagawin o pipindutin. Kung na-curious ka naman sa meaning ng "dyslectic" at balak pa talagang hanapin ito sa Dictionary.com ay maipapayo kong—huwag na lang. Ang mas dapat mong unahin ngayon (bukod sa pagtupad ng iyong mga pangarap at pagtanggap na mabibigo ka rin lang) ay ang pagboto o pagsagot sa "Pulso ng Bayan".

Bagaman alam kong iilan na lamang kayong mga kaluluwang-ligaw na patuloy pa ring bumibisita dito (dahil sa crush mo ako o kaya ay gusto mong i-crash ng pinong-pino ang pagmumukha ko) ay nais kong ipaubaya sa inyo ang bibihirang pagkakataong ganito. Kayo ang magdedesisyon kung dapat bang "hukayin" pa o "ibaon" na lamang sa limot ang kamoteblog na ito.

Ang mas malaking porsyento ng resulta sa survey na ito matapos ang eksaktong 1,000 mga botong malilikom ang magiging final na desisyon sa kapalaran ng blog na ito. At alang-alang sa demokrasya at malinis na pulitika, pinahihintulutan ko dito ang "flying voters", o ibig sabihin ay pwede kang makaboto ng makailang beses depende sa trip mo.

VOTING STARTS NOW!