"♪ Sa langit ang ating tagpuan"- After Image
alam nating marami na sa mga paborito nating blogistang pinoy ang nagpaalam umalis at ang ilan ay matagumpay na nakapag-delete na rin ng kanilang blogs. yung iba naman ay nahimasmasan na at sinapian uli ng espiritu ng kaadikan sa internet kaya naman nagbalik at gumawa ng panibagong blog. congrats naman sa kanila. at condolence na rin, dahil mauulit na naman ang kaparehong karanasan at dahilan kung bakit sila dati nag-desisyong iwanan ang pagbablog at magpa-rehab muna at magbalik sa kanilang normal, boring, at pathetic social lives. (dyowks lang sa mga matatawa, at seryosohin naman kung totoo. hehehe.)
pero ako, ewan ko.
sa ngayon ay wala ako sa klasipikasyon bilang living organism sa blogosperyo at hindi pa rin naman ako tuluyang na-dedecompose. ngayon lang yata nangyari ito sa kasaysayan ng history mula pa ng nahuling nangongodigo si Kalantiaw, ng imbentuhin ni Magellan ang Google Earth, at hanggang sa matagpuan ng mga arkeologo ang ebidensya ng sinaunang pamamaraan ng pagba-blog sa mga kweba ng Tabun! (ano daw?)
ah basta! walang ibang dapat sisihin kundi ... kayo!
alam ko maarte ako dahil may 1000-votes-required-ekeks pa akong sinasabi dito bago mag-decide, pero wag naman kayong mas maarte pa sa'kin! pwede naman kayong gumamit ng sure-fire na paraan para maabot yun na maituturing namang normal na gawain sa bawat botohan. ang tinutukoy ko ay walang iba kundi ang - "pandaraya".
we'no ba naman yung bumoto ka ng maraming beses, hindi ko naman malalaman yun. sus'kayo! puro kayo reklamo at excuses, wala naman kayong letters na ipinapasa. hmpf.
well, paminsan-minsan ay naglilibot pa rin ako sa inyo-inyong mga kabahayan, pero bihira naman akong mag-iwan ng aking bakas. nakakahiya mang sabihin, ako ay isang kaluluwang blurker. at kahit na ganito ang aking kaawa-awang sitwasyon, hindi ko napigilang mag-iwan ng bakas sa nabasa kong entry ni elayas, at sa tinanong ng bata nyang kapatid.
e napansin kong ang haba pala ng naging comment ko. wala man lang akong pasintabi dun sa may-ari ng blog o humingi ng permiso para dun ako magblog ng pagkahaba-haba. kaya bilang kortesiya, ginawan ko na lang siya dito ng link pabalik sa blog nya.
(PS1: bumoto na kasi kayo. maarte na nga ako, mas maarte pa kayo sa'ken. mga bwiset!)
(PS2: sa nakakaalam ng kantang "Bai" ng After Image, naks naman.)
(PS3: sa nakakaalam ng kantang "Iisa Lang" ng Parokya Ni Edgar at kung bakit yun ang title ko sa entry na ito, elibs ako sa'yo tsong!)
(PSP: Portable Station Play)
Sinsero,
Holy Kamote